'Tiritatxorekin egin irri!' saiorako azken sarrerak
28 Apirila 2021
Igandean, maiatzaren 2an, 'Tiritatxorekin egin irri' emanaldia izango dugu Antzokian Irrien Lagunak taldearen eskutik. Saioa, 18:00etan hasiko da eta 50 minutu inguruko iraupena izango du. Azken sarrerak eskuratu nahi badituzu, kultur etxean egin dezakezu (943085050/kultura @ legorreta.eus) edota 747428260 telefonora deitu dezakezu. Sarrera 3 eurokoa da eta izena ematean ordainduko da.
Sinopsia: Tiritatxo, pediatra goxoa eta alaia da. Beti dago laguntzeko prest. Irriarekin jolas egitea eta istorio dibertigarriak kontatzea maite du. Modu dibertigarri batean osasuna eta irria elkarrekin gozatzeko errezetak elkarbanatuko ditu.
