Legorretako ur-hornidura sarea hobetzeko lanak egiten ari da Ur Kontsortzioa. Zehazki, gaur egungo sarea zatikatzeko lanak egingo ditu, sektorizatzeko lanak; hain justu, hiru sektore berri bereiziko dira, eta hobekuntza horien bidez lau emari neurgailu instalatuko dira. Lan horien helburua da sarearen kontrol handiagoa izatea eta ur-ihesen bat gertatzen denean azkarrago detektatu ahal izatea.
Beheko planoan ikus daiteke herriko zein hiru tokitan egingo dituzten lanak. Lan horiek aurrera eramateko ura moztu behar duten kasuetan, aurrez abisatuko diete bizilagun kaltetuei, portaletan kartela jarrita.
