Zabalik dago tasa eta zergetan hobariak eskatzeko epea

Zerrenda honetan ikus daiteke zein zerga eta tasatan eska daitekeen diru laguntza, eta zein epetan. Eskariak udalaren erregistro ofizialean aurkeztu behar dira.

• Hiri ondasun higiezinen gaineko zerga (IBI):
  
  • Hobariak:
    • Familia ugarientzat (egoeraren arabera, %75, %80 edo %90ekoa). Eskaria egiteko epea: otsailak 28.
    • Etxebizitza Eusko Jaurlaritzaren, aldundiaren edo udalaren programaren batean alokairuan duten jabeentzat (%50ekoa). Eskaria egiteko epea: otsailak 28.
    • Behar bereziak dituztenentzat: urte osoan zehar eska daiteke laguntza.
• Trakzio mekanikoko ibilgailuen gaineko zerga:
  
  • Hobariak:
    • Ibilgailu historikoek: %100.
    • Ibilgailu elektriko eta hibridoek: %50.
    • Familia ugariek (kotxe bakarra badute): %100. Eskaria egiteko epea: urtarrilak 31.
• Hiri hondakin solidoak:
  • Hobariak:
    • Behar bereziak dituztenentzat: urte osoan zehar eska daiteke laguntza.
• Ura:
  • Hobariak:
    • Behar bereziak dituztenentzat: urte osoan zehar eska daiteke laguntza.

www.legorreta.eus/udala/udal-arautegia loturan kontsulta daitezke tasa eta zergen xehetasun gehiago eta laguntzak eskatzeko bete beharreko baldintzak.