Etorri berrientzako ongi etorri saioa egingo da larunbat honetan

Irailetik martxan da Legorretako Udalaren harrera protokoloa. Protokolo honen barruan, erroldatutako herritar berriek, Legorretan bizitzeko informazio baliagarria duen gida jasoko dute. Gida honen lau bertsio prestatu ditu Udalak eta jarraian ikusi daitezke:

• Harrera gida euskaraz.
• Harrera gida euskara-gaztelera.
• Harrera gida euskara-arabiera.
• Harrera gida euskara-urdu.

Harrera protokoloarekin amaitzeko, erroldatu berrientzako ongi etorri saioa antolatuko du Udalak. Larunbat honetan izango da lehenengo ongi etorri saioa eta aurten erroldatutako 48 herritarrek jaso dute bertaratzeko gonbidapena.